分享

哩個題目內嘅XX可以任你換上乜都得,可以係愛情、工作、份工、理想、家人、健康。

而我嘅XX就係挑戰自己。

先來個開箱先,點解會變左開箱,一陣再話大家知。

[embedyt] https://www.youtube.com/watch?v=Mv5vQl9iR8w[/embedyt]

哩個奬牌個字咁特別又咁靚,係出自日本文字藝術大師「野村一晟」手筆,佢特別在正面睇係一個字,180度反轉又係另一個字。

點解會參加哩個跑步係因為朋友話佢會跑試下,叫我都一齊去試下,但坦白講我自讀完書後都好少跑步。不過一見到個奬牌咁特別,真係好鍾意,但要一個月內跑夠100Km,真係想起都驚。第一個想法係叫自己收皮啦,讀書時候連運動會長跑都未參加過,現在老左先來玩,有無搞錯。

但心中唔知點解有團火好想試下,於是想想可以點完成,想到附近有個公園,平時都好多人跑,公園內有埋路標,由頭到尾有800M,即要跑125次,即每星期31.5次,如果每星期跑到三日,每次過到10 次即來回5次就可以達標。

想到這裡,心想雖然真係唔易,但都可行。就係咁就報左名。


其實跑嘅過程都遇到好多阻礙,比如第一日跑,因為熱身運動未做夠,所以跑完第二日隻腳好痛、又扭傷。當時真係想唔係花,第一日就搞成咁,都話左自己唔好去跑啦。內心魔鬼不斷叫自己唔好繼續。不過最後停左5日又再試跑,但因為已落後每星期跑三次嘅目標,所以要過密啲,如是過左個多星期,竟然香港打有史以來最勁颱風『山竹』咁就無左成個星期,再加上風後公園內大部份倒塌,無得再跑公園,於是又想自己咁唔好彩,想跑都無地方跑。想左兩日決定最後努力,跑一半公園一半跑出外面,而且因為時日無多,就到月尾Deadline,所以每次由跑來回5次變成來回10次,即大約8Km,就係咁一直跑到9月28日,終於完成100Km目標,個牌就咁得到啦,真係超開心,由開始猶豫參唔參加到最後成功攞到牌,真係好有成功感,而且證明自己比想像中強,而且發覺自己可以一口氣跑10Km,即渣馬最低級別都可以參加。

所以我信凡事都有可能,只在乎自己有無努過去做。


分享

LEAVE A REPLY

Please enter your comment!
Please enter your name here