昨晚開始錄制第一條片，諗住用最方便方法去做條片啦，就係用iPhone螢幕錄影功能，跟住我做好嘅Script講講，咁就以為超Easy啦。我拍完條片就咁Upload上去YouTube，跟住就Click條Link睇下自己成績，點知就出事啦，點解有畫面無聽嘅？OMG，我明明係手機上無問題，係我部電腦試都無問題，點解上載到YouTube先出事呢？點解？？？
世事就係咁，剛剛我先係條片話自己成日點幫朋友解決難題，但轉個頭就要立刻幫自己揾出問題衰係邊。時間已到夜深，但自己又好心急想搞掂第一條片，咁點好呢？
未講我點解決之前，等我先講下iPhone點樣先可以做到錄影螢幕，應該好多人都知，不過如果你真係iPhone新手，唔識點整，可以睇吓我另一篇教學＜如何用iPhone錄影螢幕＞
講返我好心急想整好第一條片，但又好夜要訓啦，咁點算？
咁我就用9秒9嘅速度上YouTube揾解救方法，好多人都話係IOS嘅Bug，個問題原因係個Sound Track到，用此功能雖然係手機上Play無問題，但一放上Video Editing software或YouTube就會因聲道問題出事。
我揾左一論有幾個解決方法：
- 第一係將你剛剛錄完個條片，用螢幕錄影功能再錄多次，但唔開咪錄。點做呢？即係長按個錄影制
跟住會見到以下畫面，再按紅色個咪高風把佢關閉。
之後係相簿內揾返條片再Play一之，今次個螢幕錄影會把條片嘅發聲錄下。但要把條片由頭放一次，無錯你無睇錯係由頭方一次，如果你錄左半個鐘都係要返半個鐘去由頭錄一次，你可以去飲杯茶食個包都大把時間，就因為咁所以我無用這個方法。 - 第二個係用Video Editing軟件再重新整過個聲道問題，但網上介紹嘅軟件係Windows版本，而我係用Mac機，所以都無用此方法。
- 最後揾到第三個方法，就係用GoPro嘅App叫Splice，只要將條片用呢個App process一次再Save起佢，咁就搞掂，超Easy。
大家如果遇到和我同一樣問題可以Download個Splice試下。
後記：今早再研究多一陣，發現呢個唔見左聲音問題都幾嚴重，有網友發現如果你錄影時行多幾個App或者由前置鏡頭轉去後置鏡頭，都會突然無左聲音。好可能問題係係IOS做multi-tasking時候處理唔到聲音部份。
[embedyt] https://www.youtube.com/watch?v=fTvT8NcT0-c[/embedyt]
