今日講下21有乜咁特別?

Duke University研究員係2006年發表左一篇論文,發現我們每天40%以上的行為都唔係有意識的,而係習慣。即係話我地大部份說話同行為都係自動波。其實根據近期啲嘅研究,好似Dr. Joe Dispenza,人嘅行為95%都係無意識。

只要你持續做任何事或練習21天,你可以成就或打破大多數習慣。 差唔多去除任何不良習慣、新嘗試、想養成新習慣,只要連續做21天,就會見到效果。比如靜坐、戒煙、減肥、時間管理、做運動、學忍耐、唔發皮氣、工作更有效率等等。

我今次開哩個YouTube Channel,到今日都剛剛好21日,我由10月30日上第一條片,堅持每日都出一兩條片。

要連續21日係唔易,因為開頭一定好多問題,但當有Momentum,就會越做越好,越做越順。

到今日21日後有2100人訂閱,先要多謝大家支持、收看同訂閱。

 

我開這個YouTube Channel,唔好以為我自認係大師,係到Show Off,係到指指點點,係到扮識野。錯!

我自己失敗經驗就多過成功經驗,更何況我認為嘅成功,你可能覺得只係小巫見大巫。但睇人失敗就最好,一來另你開心,因為好多人都喜歡見到人PK,就自High,覺得自己叻過佢。如果你唔係哩類人,睇我點失敗就更有好處,因為可以知點避過。

所以我只係想係哩個Youtube Channel,分享我經驗,以及完成一件Task等等。比如點買樓、去旅行點先唔會衰、點樣起個網站、網店等等。

整哩個Channel另自己學到好多野,比如點做Youtube SEO、點整Thumbnail、錄影音問題等等,但重有好多要學要改善,我已Set好短、中、長目標比自己,會每日一步一步咁改善。正如當初我條片咁講,做任何野唔可以等乜都Perfert才開波,好似我如果要學曬咁多野,可能以我年紀學一年先有機會學曬。

最後我想比個總結或者建議比大家。

唔好將決定權交比所謂大師、專家、前輩等等。意見可以攞,但最重要係學識佢點樣推論出個結論出來,學識左先係自己。唔應該成日用老散心態,只聽不思考。

重點係:

  • 唔好貪,唔好比表面野蒙蔽自己,好多人係表裡不一
  • 識獨立思考,用自己理性思考分析下,如果覺得正確就收為己用
  • 唔好比身邊人左右你
  • 唔好怕問人,最重要係學識背後理論
  • 所以不繼學習係好重要,要多看書
  • 時代不繼進步,十年前學嘅野,現在可能已經唔Work,唔好比以前學嘅野成為你包袱
  • 唔好成日想用捷徑,好多野都係一步一腳印咁行出來
  • 問大師,以為得到答案,成功當然開心,但唔成功,大師都無事,有事個個係你自己。唔好把權交比人
  • 現在世界係好複雜,你要有智慧,同堅定信念,清晰堅定目標。

[embedyt] https://www.youtube.com/watch?v=Z-E_4XXZxVk[/embedyt]

LEAVE A REPLY

Please enter your comment!
Please enter your name here