大家好,先同大家打個招呼,我叫五哥,我開呢個新網站叫〖五分鐘變大師〗,同一時間都開左個同名YouTube Channel,打家記得去睇下同Like我支持下。開個網同YouTube Channel目的有好幾個。

  1. 現代人真係好忙好忙,由一早起身就忙到晚上上牀,一直忙足十幾二十個鐘,其實上左牀一樣好忙,我唔係講個樣運動,你唔好心斜,我係講個腦唔停。特別係香港人,更忙!你可以見到係地鉄入面一個男仔一邊同佢女朋友傾計,但對眼就望住部手機玩緊遊戲,重要唔係一部係兩部電話同時玩緊不同遊戲,香港人利用時間嘅方法已經去到登峰造極嘅地步。
  2. 我做左幾十年人,真係學左唔少野,而我身邊嘅朋友知我咁鍾意學野,遇到問題時都會好自然咁揾我幫手,而我亦好鍾意解答各位朋友千奇百怪嘅問題,遇到唔識答嘅我就會去學去揾答案,又或者揾高手或老師請教。我就係咁不繼學習不斷上課,咁就過左十幾年,連啲好耐無見嘅朋友,再見返我都會問我一句「近來五哥你又學緊乜呀?」。佢地問呢句,我會好自豪咁答⋯⋯。自己亦剛剛過左生日,我每年生日都會同自己回顧下過去一年過成點,有無乜得著?有無可以改善地方?又大一歲想有啲乜突破?今年生日我忽發奇想,我要做YouTuber,講完自己都唔係好相信,懷疑自己得唔得嫁。但未試過點知唔得,唔試就一定唔得。
  3. 最後一樣亦係最重要,我學左咁多野,好想將佢記錄下來,最好可以將我個腦所有知識下載曬落嚟,咁就正啦,未來我會將呢整事完成,睇下Result係點。

就係因為以上三大原因,我用左兩個鐘左右整左呢個網站同YouTube Channel,將會將我畢生所學不同領域、不同範疇嘅知識,用最短時間分享比大家,等大家可以用短短5分鐘就可以由乜都唔識變成大師。希望大家喜歡同支持,記得Bookmark我網站、Like我嘅片同Subscribe我Channel啦。Thanks!

[embedyt] https://www.youtube.com/watch?v=F7BctgTI4ys[/embedyt]


分享