14.2 C
Hong Kong
Saturday, February 23, 2019
The 1 Week Diet
Home Blog Page 11

如何用有限時間做最多嘅野?

0

今日想同大家講下時間管理,時間對所有人都最公平,唔會因為你有錢就會多啲時間,窮人就無乜時間。(不過其實有錢人真係會多啲時間,最後會講到。)時間每日都係24小時,但點運用就係你點運用啦。

首先時間管理又關乎到你是否一個有系統的人,因為如果你整理得好,比如每日出門你要帶的手錶、銀包、電話等物件都一早已放在門邊,而每日回家,這些東西也會一起放在門邊的櫃或枱上。因此你唔會發生出門時才不見這樣那樣的事情。

要有效率,一定要專注做每一件事,所以打坐好重要,它可快速提升你的專注力,但現代人已有手機上癮症,每分鐘要滑幾次手機,看看有無人Like我個facebook post,或者每幾耐就有人丁我Whatsapp我等等。所以要專心做野,我一定會Mute手機。另一樣好重要係提升自己Energy,這部份比較深入,要比較長篇幅才可分享給大家聽,之後會慢慢解釋比大家聽,但打坐己經係一個好好嘅提升自身能量嘅方法,所以大家每日一定要開始做打坐,每日只須5分鐘,幾星期就會見效果。

手機可以講係一個又愛又恨的發明,它真的很方便,但又真的引發好多問題。如果你想晚睡得好,試下睡前一小時不用手機,你會發覺有很大分別。

要管理好時間另一個要點係歸納,意思係將一啲細碎嘅事情合埋一齊做,唔好東做啲西做啲。比好每日都會有好多信收到,唔好日日開信箱,一星期先開一次,然後整理一次過咁整。又比如回覆電郵,唔好開住信箱,一有一個新電郵就即刻回覆,定時每三個鐘或其他你適合嘅時間才開一次信箱,然後就一次過咁回。

還有就係做你真正喜歡做嘅事,咁你先會百分百投入去做,好專注。但哩句講完我都覺得好費,因為邊個唔想做自己喜歡做嘅事,只係生活迫人,先至要為五斗米折腰。咁又真係事實,但係咪咁就放棄自己理想?咁就帶出另一個我好想講嘅題目-吸引力法則,我想個個都聽過,但唔係個個都識用同做到。

下篇再同大家分享-《吸引力法則秘技》

[embedyt] https://www.youtube.com/watch?v=kqBLSKGI4L0[/embedyt]

堅尼地城新興酒家飲茶

0

上星期日去左堅尼地城新興酒家飲茶,這家酒家好有舊式味道,現在已好難找到。

[embedyt] https://www.youtube.com/watch?v=qI70Y4MR1Js[/embedyt]

香港發展「智慧監獄」,好可能會變成⋯⋯

0

最近睇到篇新聞話香港會發展「智慧監獄」,但唔知點解我第一時間就想到啲衰野,但好似無乜人提起,我咁唸好可能只係陰謀論,但如果係真,香港都幾有問題。香想講嘅係香港好可能會變成咁⋯⋯

將來香港街道上到處都會見到咁樣

只要任何人係街到行過,都可以利用呢啲鏡頭,用人臉識別系統,再配合Database揾出你所有相關資料。

就算車也一樣可以認到

所有野都由一個Control Center搞掂,一眼睇曬

再配合背後大數據中心,所有市民的資料人物關系,有無案㡳等都一目了然。

講左咁多,未來香港「智慧監獄」可能只係一個實驗場,當效果理想,會發展到更普及的地方,再加上未來新智能身份証內有RFID,咁就更加⋯⋯

可能我唸多左,唔知你又點睇,歡迎留言發表下你意見。

[embedyt] https://www.youtube.com/watch?v=LjgV8g5VT-w[/embedyt]

5分鐘學識打坐

0

前一篇有講過點解打坐咁重要,如果你未睇就睇返啦,因為打坐真係對大家都好重要,可以話係有百利而無一害。

打坐有好多個名稱,有人叫靜坐、禪修、靜坐、冥想等。只係方法唔到而有不同名稱。

未學之前要知道打坐有乜利益,因為如果明白靜坐嘅好處,你先至會有心去做,可以持之以恒。其實做任何事情都係咁,要目標清晰,才會有動力去做。

咁靜坐有乜好處?實在好多,講其中幾個比大家聽。

  1. 身體和心都變得健康
  2. 有善心,會體諒別人,人際關係會變好
  3. 心會比以前定,睇野嘅態度會更精準細微
  4. 人會變得快樂,無咁執着
  5. 妳訓左好多,少失眠
  6. 變得更聰明。變聰明其實係有三步,靜、然後定、再到慧。即先要心靜下來,當心真係可以靜下來,變得定,智慧就會開。

還有好多好多好處,但我再講,就算你明白,都只係個腦明白,但你無經歷過其實等於齋Talking。所以你一定要開始試。

  1. 首先你要坐定定,可以坐係椅上也可以盤坐,但一定要背部直,感覺好似頭頂有一條繩拉住自己個頭,咁背就自然直。
  2. 下巴要微低,如果盤坐可以右手掌放左手掌之上,如果坐椅可以雙手放膝蓋上。
  3. 合上眼,放鬆全身
  4. 把注意力放在鼻孔呼吸之上,留意呼吸的出入。就係咁多
  5. 做做下會想到其他事情,但唔緊要,把你心念拉返到鼻孔呼吸之上再開始。

最初做5分鐘,一星期後加到10分鐘,再一星期後加到每次我在分鐘,慢慢不但你會感受到自己的變化,連你身邊的朋友家人也會感受得到你嘅轉變。

有乜問題歡迎留言,我識會一一解答。

[embedyt] https://www.youtube.com/watch?v=WKNP_HWAy9I[/embedyt]

今日同你談心

0

今人想同大家講下心,唔係談心,係身.心.靈個心。

都市人每日營營役役,但其實佢只係照顧或處理左三分一,即身體那部份,而其餘兩部份,心和靈其實可以話更更更重要,點解咁講,以後我會一一同大家分享。咁先講左心係乜先。

『心』這包括左你的諗法、情緒、價值觀、信念、思考方法等等。哩一part好重要,因為我地日常生活、運作、解決難題都係依賴心。有啲人會少少事就受他人或物影響而唔開心,但同一件事由另一個人去面對或處理,又會好唔好,可能佢不但唔會唔開心,反去好感恩都唔定。咁點解會有咁大出入呢?就係兩人心態好唔同,價值觀好唔同,信念亦唔同。

又好似有啲人比你讚下就開心成日,但比人話佢肥就幾日都訓唔着,點解呢?因為佢比人按左粒制,每個人個粒制都唔同,有啲可能係要公平,見到必人對自己有不公平現象會好唔開心,有啲人可能係做野想得到人肯定,如果辛苦做完一件Task,別人唔賞識,又會唔同。總之每個人都唔同,千奇百怪都有。心的各種價值觀、思考方法、處理問題方法,都係由小經驗得返來。比如你自小在家中有十兄弟子妹,你父母無特別留意你,因為真係無時間特放係你一個人身上,所以你小孩心𥚃有時會覺得父母唔愛你,但有一年你小學竟然考到第一,你父母當然好開心,重帶左你去食自助餐,其他9兄弟都無份去,所以你沾沾自喜。返來猛咁同朋友仔自助餐點正、點多野食、幾咁好玩等等。但實情係父母根本窮,邊有可能十兄弟都一齊去食自助餐,經濟上根本付擔唔起。就係咁呢位小朋友大左就形成左乜都要第一,考試要第一,返工之後要努力做一哥,無論用乜手段都要係一Team人內有最好業職一個。

以上故事,大家應該好有同感,人做決策往往就係受左一些未必咁正確嘅情緒、想法、信念是影響自己,日子越耐影響越深遠,想改正更難,所以點解會有性格決定命運。而科學已証明小朋友在七歲之前就好似海綿咁不斷吸收外面訊息,不論好壞。所以好多人根本性問題可能都因為兒時某經驗做成。

講左咁多關於心,咁又有乜解救呢?如果無方法解決,咁就無謂浪費大家時間啦。方法其實好簡單,只係兩個字⋯⋯⋯⋯

靜坐

究竟點靜坐?方法超簡單,唔使你在分鐘,一學就會。下篇同大家分享。

[embedyt] https://www.youtube.com/watch?v=20C3La8cAjA[/embedyt]

樓市由高位大跌七成,但你準備好未?

0

今日睇到Dr. Ng預測香港樓市會下跌進入人踩人嘅情況,會唔會進入咁壞嘅情況,就要放長雙眼睇下啦,但樓市現在已進入跌市就應該係肯定啦。

但今日我想同大家講嘅唔係預測樓市升定跌,而係如果你想買樓,究竟要做啲乜?

首先選擇區域當然重要,須唔須要住近父母方便照顧佢地,或者要成日返屋企食飯。選定區域就要多落這區行下睇下各方面配套如何,因為將來你如果係這區住,衣食住行都圍繞這區,所以一定要知道是否合適自己,比如你選西九四小龍,但食兩口子好鍾意成日煮飯仔,但最近又大嘅街市都要去到深水埗。

又或者你係有車一族,日日都鍾意開車返工,但心水那個樓苑車位比例超低,咁就未必啱你。

又比如你有兩隻狗狗,但唔係所有大廈都比養的。

另外新舊屋苑管理費都唔同,可以個幾一尺到三四炆一尺都有,所以計每月供款時記得計埋哩條數。

另一個考慮係小朋友,不但要睇間屋是否夠未來小朋友住,有無足夠空間,還要主意校網。有些樓苑附近特別多為小朋友而設的學校,所以要多睇樓多行社區,才可以揾到合心水的單位。

另外係買樓用單名定夫婦聯名,以現時計因為有首置稅,所以應該用單名好處大啲。

所以買樓前一定要多行多睇,最好睇到經紀同你介紹那個屋苑、幾多樓、邊個單位,你心裡已知單位內間隔如何,外面境觀係點、樓價大約應該幾多等等。

最後當然要上幾間大銀行網站睇下估價幾多,以便知道是否筍盤。

還有真係最後要知道自己TU係乜Grade,A級J級可以完全影響到你能唔能夠得到貸款,如果你真係未Check過,咁你一定要上https://www.transunion.hk/睇下,現在都有好多公司可以免費幫你Check,好似MoneySQ,不過你就要比你個人資料佢,想唔想就自己決定啦。

[embedyt] https://www.youtube.com/watch?v=cjKnEn-WCPI[/embedyt]

騙徒系列

0

 

今日睇到這篇報導,多數人都會話佢地死蠢,咁都比你騙到。但問題到底係咪真係佢地年少無知?咁如果真係因為年少就易比人騙,咁香港大把人係00後,根據香政府統處,00後大約有270,000人,就算當中只有五分一人即54,000人到達18歳,也是一個相當可觀數字。

對騙徒來說五萬幾人,當然係一個龐大市場,但如果只因為他們年少無知,我相信應該唔會有咁少報導這類案件,應該係幾千上萬咁報導。所以我覺得原因係兩個,一個係結構性問題,受害者都係出生於低下層,父母都要辛苦工作,無時間照顧子女,因收入不多更不用說給子女零用錢,對這麼年青的朋友,平日無得到父母教育,對金錢處理更小經驗,所以被騙是必然的。

第二個問題,係她們因為好想揾到錢交補習費,受這種情緒影響,已失去判斷能力。如果他們看到這個IG廣告,有人請人去入錢或攞錢,第一個問題應該係反問點解招募人自己唔做?其實如果她們靜心想一想,可能已有一刻閃過這問題,但因為受好想揾錢這情緒影響,才會受騙。

所以我從來都覺得生育之後最大問題係教育,老一輩講家教其實真係好重要,更何況現在香港教育制度制做一班高分低能的人。雖然咁講好Mean但係事實。

重有這篇報導引起一個題外話,就係係Online Marketing嘅世界,其實IG真係一個好好嘅平台,係外國有好多IG Influencer真係賺好多錢,遲啲我會講下佢地係點做到。

[embedyt] https://www.youtube.com/watch?v=kkysNoEBXzM[/embedyt]

Chrome必安裝extensions

0

今日講幾個係Chrome上面必定要安裝嘅extensions。相信大家用電腦都多數用Chrome,好少會用IE或Firefox等等其他Browser。

睇返最新嘅Browser分佈,用Chrome嘅人佔6成,IE佔1成,Firefox又佔1成 ,所以用Chrome人數絕對係大多數。而Chrome其中一個最大賣點係有千千萬萬個Extensions比你安裝,等我就介紹幾個普通用戶一定要安裝嘅Extension。

1。先介紹呢個Screen Capture,大家好多時上網見到張圖好靚或者一大篇文章好正,想Capture落去你部腦到之後慢慢睇,但篇野又鬼死咁長,有幾頁咁多,用Print Screen制根本係唔方便,咁呢個時候就要用個插件啦,安裝左之後,只要一Click就一整頁咁Save做JPG。

2。如果你成日上網站買野,特別係我地哩啲成日要買Online Service嘅人,哩個插件可以幫你揾到現時最平優惠比你,唔做你自己係Google揾Coupon Code咁辛苦。

3。哩個唔使講一定要用,佢幫你將日常上網登記個幾十個用戶名和密碼記錄,你每次上網就會自動出返相應用戶名和密碼,你唔使記得咁辛苦,最重要係係安全方面做得好好。可以放心用,佢另外重有App可以係手機上用,超Like!

4. 最後一個唔使多講,係比你下載網上影片。

[embedyt] https://www.youtube.com/watch?v=fc0sApcZsKc[/embedyt]

旅遊必做的三件事

0

我相信大家每年總會去一兩次旅行,我講嘅唔係去大陸、澳門那些比較近嘅地方,而係東南、歐洲、美加澳那種比較遠嘅地方。

經過多年經驗,去旅行我一定係自由行,因為唔想比人好似趕鴨仔咁,我鍾意幾點起身都得,想去邊食乜都得,唔使迫我去啲唔知乜商舖買野,又唔使同一啲唔知乜人同枱食飯,無禮貌又好似老馮咁嘅團友一齊。相信大部份人都同我一樣。

咁去旅行前一定要Book定酒店、門票、Plan好路線、揾好曬邊到租車、買火車票等等之外,有三件事我一定會做,唔做一定後悔。

第一買旅遊保險,因為我去咁多次旅行,大大話話都Claim過4、5次,有試過係羅馬唔見野,有試過係日本跌爛左部單反,有試過因三號風球,係香港入左閘但上唔到機,最近一次係倫敦轉機返來比國泰整爛個喼,你睇可以爛成咁,真係唔知啲運輸點解可以咁叻。

所以結論係一定要買保險,而且一定要包括有飛機Delay個種。

第二一定要做係係香港買旅遊Sim,現在好多選擇而且都好平,試過去韓國以為去幾日唔買啦,點知去到間酒店Wifi屎到不堪,街上又唔易有Wifi,搞到有個景點差啲去唔到。

最後一樣就係帶定一張可以入機場貴賓室嘅信用咭,近年已經好多人知同用,因為可以免費入去食魚蛋粉同飲吓野,然後先上機,對於坐廉航就啱曬啦,但最重要一點係正如我上面提過,有一次因三號風球,係香港入左閘但上唔到機,當時坐廉航,而航空公司安排又超差,只係比張餐飲Coupon就打發左二百幾人,最大獲係個次足足Delay左24小時,整整一日,好多人就係咁係機場地下訓左成晚,又硬又涷你話死唔死。我同我老婆就好彩入左貴賓室睇下、上下網、沖個涼、然後訓係Sofa上、都辛苦、但比起訓地下無得食不知好幾多。返到港當然又第一時間Claim返保險,保險公司每兩小時都有錢賠,咁都叫做心理平衡返小小。

當然想Claim保險一定要有足夠Prove,例如機場Report、有無報警、航空公司信等等。

所以旅行必做呢三件事!

[embedyt] https://www.youtube.com/watch?v=dUidTyJxvdo[/embedyt]

如何用iPhone錄影螢幕

0

想用iPhone做到錄影螢幕,先要開啟『螢幕錄影』功能,方法好簡單。

首先要按設定>然後選『控制中心』

再選『自訂控制項目』

然後按『螢幕錄影』左面的加號

每次想錄影只須由螢幕下面拉上來,開出功能,有兩個圓圈那個就係啦。

只要你部iPhone已升級上iOS 11,就可以用iPhone內建的螢幕錄影功能,唔使另外安裝APP,超級方便!

有左呢個功能你可以用佢錄影打爆機那個Moment做紀念又好,Send比朋友威吓又好。又可以用佢錄下一啲步驟教家中老人家點樣用Whatsapp同你傾計、Send相比你等等。

[embedyt] https://www.youtube.com/watch?v=FVOWrAIMlio[/embedyt]