失敗的原因
恐懼：只需要停止恐懼和負面信念，因為恐懼就好似小時候玩爭櫈仔咁，『恐懼』佔左張櫈，咁感恩、喜樂等就無位置。『恐懼』就會將你理想願望推開。所以你想成功就要釋放所有恐懼。無左恐懼，其他正面代表你嘅振動Frequency的事物，將會在恰當的時機，恰當的次序，自動地，毫不費力地進入到你的生命。
要吸引力法則成功 – 先要明兩個字
頻率(Frequency) – 因為萬事萬物其實都係頻率，Quantum Physics已解釋得好清楚。所以要吸引力法則成功其實最最最重要係讓負能量、負面想法（比如我唔得嫁、我技不如人、我無料到、我入行太短、我唔夠靚仔／靚女、我讀書唔叻、我無沉過咸水等等）釋放。
你玩得吸引力法則耐，就會發現，點解有啲朋友會無里頭消失，其實所有野都係物以類聚，你心念係乜，宇宙就會回應相類似嘅野比你。
如果你抗拒，就只會造成痛苦、困難，其實就算係唔好嘅野都係你吸引反來（或者係你人生計劃之內）。但如果你識得將所有負面東西都用係正面的目標，就可以比你好大幫助及進步，咁你就唔會再怕逆境。
當你頻率改變，環境、周圍人物就會改變。
無時間
明白左所有野都係頻率，咁另一樣要明白係無時間，所有可能都存在於此時此刻，就好似電視機遙控，有幾百個台同時存在緊，每個台就係一個現實，你現在個台係恐怖片，你只要轉去合家歡台就成個氣氛唔同曬。
但要轉台，一定要做到你嘅振動頻率要同你理想頻率相同及產生共鳴。而且係你已經運作在個種理想特定頻率之中。而且要百分百相信。好似我咁我成日同自己講我係香港YouTuber，連于嫂都識得叫我五哥。咁理想就離你不遠啦！
