我相信大家每年總會去一兩次旅行,我講嘅唔係去大陸、澳門那些比較近嘅地方,而係東南、歐洲、美加澳那種比較遠嘅地方。

經過多年經驗,去旅行我一定係自由行,因為唔想比人好似趕鴨仔咁,我鍾意幾點起身都得,想去邊食乜都得,唔使迫我去啲唔知乜商舖買野,又唔使同一啲唔知乜人同枱食飯,無禮貌又好似老馮咁嘅團友一齊。相信大部份人都同我一樣。

我同五嫂差唔多年年去日本,真係超鍾意,無論食、住、交通、Shopping都好正,超方便。

去之前Plan行程就交曬比五嫂,我唔使煩,我最主要好食好住就得啦,因為我係去Relex嘛。

飛機方面之前試過幾次Cheap Cheap航空,但有啲不愉快經驗,所以之後都係選CX,又可以用AsiaMile,現在每次飛都唔使錢,用AsiaMile換,所以我主力用可以儲里數嘅信用咭。

住方面,可以簡單,可以複雜。簡單我會選Marriott,因為我係Member所以打電話就Book到,不過有兩個唔好處,因為Marriott係日本唔係到到有酒店,我地以前住銀座,好方便,而且銀座無論食、去竹地魚市場、又或者Shopping都超方便,而且比我地揾到間懚世美食拉面。之後幾年轉左去住品川,來左里到大件事啦,因為間酒店超正,房間唔使講好舒服,最大問題係早餐,係自助個隻,第一次去真係食到我地兩個飽曬,搞到11點都未出發。

另外複雜方法就當然係自己Book酒店,不過咁就可以試好多唔同特色嘅酒店。

[embed-vi-ad]

跟住就介紹幾個好好用嘅App

  1. 第一個係方便購物
    [embed-vi-ad][embed-vi-ad]
  2. 第二個係日文對話App
  3. 第三個坐地鉄必用


 

講完旅行前一定Book酒店、機票、Plan好路線、揾好曬邊到租車、買火車票等等之外,有三件事我一定會做,唔做一定後悔。

第一買旅遊保險,因為我去咁多次旅行,大大話話都Claim過4、5次,有試過係羅馬唔見野,有試過係日本跌爛左部單反,有試過因三號風球,係香港入左閘但上唔到機,最近一次係倫敦轉機返來比國泰整爛個喼,你睇可以爛成咁,真係唔知啲運輸點解可以咁叻。

所以結論係一定要買保險,而且一定要包括有飛機Delay個種。

第二一定要做係係香港買旅遊Sim,現在好多選擇而且都好平,試過去韓國以為去幾日唔買啦,點知去到間酒店Wifi屎到不堪,街上又唔易有Wifi,搞到有個景點差啲去唔到。

最後一樣就係帶定一張可以入機場貴賓室嘅信用咭,近年已經好多人知同用,因為可以免費入去食魚蛋粉同飲吓野,然後先上機,對於坐廉航就啱曬啦,但最重要一點係正如我上面提過,有一次因三號風球,係香港入左閘但上唔到機,當時坐廉航,而航空公司安排又超差,只係比張餐飲Coupon就打發左二百幾人,最大獲係個次足足Delay左24小時,整整一日,好多人就係咁係機場地下訓左成晚,又硬又涷你話死唔死。我同我老婆就好彩入左貴賓室睇下、上下網、沖個涼、然後訓係Sofa上、都辛苦、但比起訓地下無得食不知好幾多。返到港當然又第一時間Claim返保險,保險公司每兩小時都有錢賠,咁都叫做心理平衡返小小。

當然想Claim保險一定要有足夠Prove,例如機場Report、有無報警、航空公司信等等。

所以旅行必做呢三件事!

[embedyt] https://www.youtube.com/watch?v=4ECK9wa-EsY[/embedyt]

 

LEAVE A REPLY

Please enter your comment!
Please enter your name here