首先以下文章對風水無興趣又或者唔相信的朋友講聲,風水係中國文化,它有能耐流傳到現在,總有佢存在價值,可能你覺得風水術數哩啲野好唔實在,無事實根據,但往往好多時風水理論有佢巧合嘅地方,你可以當係一種新角度睇下,無壞呀。而且外國好多人都好信,你係Google試下打FengShui會有千萬個Result,有好多外國人幫外國人睇風水,都係用緊玲玲姐講個啲,門唔好對門呀,房裡面張牀唔好對境呀咁,其實風水已經係外國好Hit下。

咁開始入正題啦,首先要知風水其中一派叫玄空飛星派,其實有好多派,不過香港比較流行這派,這派理論分『三元九運』上、中、下三元,地運二十年轉一次,好似人咁係十年轉一次大運咁,地運係一、二、三去到九咁樣計。

1984-2003係下元七運,2004-2013係下元八運,2024-2043係下元九運。

八運西南見水好多大師都成日講,大家都應該聽唔少。咁九運利邊個方位呢?先要講講九運所代表嘅卦『離』卦。

離卦,卦爻係中間一爻斷,上下兩爻一支過,叫離中虛

即係陽、陰、陽嘅排列,即代表外實內虛,如果明白這個離卦所代表意義,會對你未來要走嘅方向好有利,什至子女應該選乜科目都有用,買屋買樓選女友都好有幫助,係咪勁先。

  1. 代表:虛擬、不實在,所以我認為加密貨幣、AI/AR、雲數據、大數據、雲電腦、5G 、特聯網、IT、互聯網,我估到時Internet 應該有新突破,所有以上科目、行業都會在九運盛行。
  2. 代表:虛榮,即係要面又心靈空虛,所以九運社交平台只會更流行更嚴重,可能去到一種無Like不歡程度,介紹大家睇兩套Netflix嘅美劇,第一套係黑境第一季第一集叫『急轉直下』
    第二套叫奇趣宇宙第一集叫『社群媒體』
  3. 代表火:電力,石油,各種能源
  4. 代表文明:教育,補習社,文化出版
  5. 化表軍火:不用多說
  6. 身體上代表心、眼、血:所以相關技術、醫療、藥物都會盛行
  7. 代表麗:美容、整容都會大流行,到時影視明星都會個個會女神男神咁,再加上離為虛,可能會有新發明,可以用電子影像方法另人變得更靚,而實際身體或面上無加過或改過任何野。
  8. 離為虛:即中間空,所以對空間、宇宙研究會更多,宇宙飛行相信會係九運出現,離也代表太陽,所以人做太陽應該會研究成功以及用於偏遠寒冷地方,亦會用於發電、能源
  9. 離為心:不但代表人的心臟、心血,也代表Mind,所以到時人會更關心心理問題,心係點唸野運作,對宗教會更追求。心理治療師、心理醫生、催眠師等等。探索夢和意識嘅科技會出現。
  10. 離亦代表中女:所以九運大利女姓,特別中年女性,會見到好多中年女性主道的創科公司出現。

講左咁耐終於都講到風水,咁九運風水利那方?

答案係南面,香港算係南面,應該有啲運行。但要講埋水先,咁山水又要點計呢?

咁就要講零神正神,就如八運要東北見山,西南見水。

九運就要北面見水,如果你大樓北面見到水,就即係所謂零神見水主財旺啦。南面見山就旺丁、健康。呢個係未睇你間屋坐向、四獸、龍穴砂水、以及其他吉凶計。

留意上一個運轉下一個運都有個入氣年,大約是三分一,即6年左右,所以2024-6即今年2018已開始入氣,所以如果大家買樓可以選大樓外北面見水、海、河流、其次水池、馬路(叫假水),南面見山。

如果區份計應該港島好過九龍。

香港最大問題係地理上北面見唔到水,叫見山。咁就真係….好在港島可以北面見水,都加返啲分。

此文都只係抛磚引玉,應該有好多術數高手可以比下意見。

[embedyt] https://www.youtube.com/watch?v=08CoILul5wk[/embedyt]