80/20法則(The 80/20 Rule)又叫(Pareto Principle)係20世紀初義大利統計學家、經濟學家維爾弗雷多·帕累托提出的

這個法則嘅重點有:

  1. 80%的果來自於20%的因
  2. 80%的成果來自於20%的精力與時間
  3. 80%的公司利潤來自於20%的產品與客戶
  4. 80%的股票市場獲利來自於20%的投資人與20%的投資組合賺得

大家只要明個Concept,就可以應用係日常生活中,例如:

  1. 工作,大部份香港人都用左好多時間為公司工作,又要成日OT,做到死狗咁。哩個就係80/20嘅反轉例子,咁你就要想下有無辦法可可做小啲時間都得到差唔多收入,例如唔OT,賺少份OT錢,但用OT時間做啲Freelance
  2. 娛樂,可能你成日都同班豬朋狗友去Hea,但你唔算好開心,只係習慣性成日一起出來。但你同另一位知心友一出來每次都有停不了的話題,超開心快樂。只係因為你哩位知心友成日都好忙,所以好難約。可唔可以想辦法同佢見多啲呢?
  3. 公司客戶:可能公司有10個客,但其中兩個已佔公司一年80%生意額,咁你應該放最好Sales,Customere services,去照顧哩兩個客。
  4. 時間運用上,好似我只係用每日用20%以下精力以及時間去做工,但我就得到8成收入,我現在重有80%時間去做我想做嘅事,比如哩個YouTube頻道、打坐、學習、睇書等等,亦因此另我有另一個收入來源。
  5. 學生讀書:集中精力讀最有機會出嘅範圍上。
  6. 錢方面,世界上8成財富掌握在兩成人手中。用
  7. 健康:你日做夜做,根本無想過身體會有Down機一日,但其實只要你一星期花20%時間去做運動,比如跑步、Yoga等,身體會大幅度好轉。
  8. 身、心、靈:其實大家如果將兩成時間放係靈性發展放面,你會有80%改善你人生問題,你對人、事睇法會唔同、面對逆境會唔同。

簡單講唔好錯放精力(或浪費太多)在無謂事件上。又比如買股票,我唔會日日睇住個市,但我會放工後睇,只知道大方向,亦唔會浪費精力炒出少入,只會大跌市時買我有信心股票,又可以收5-6厘息以上嘅股票。到升市當升到之前Set定目標價就放,唔好再浪費精力追求更高或賺到最後。

但記住這法則要靈活運用,80/20唔係死數。

亦借這個法則,時時提醒自己,往往我地忽略重點,浪費係唔重要人事上。

現在開始應該睇睇你生活各方面,有冇地方可以用這法則改善。

記住係以小控大,用最小時間得到最大效果!